Friday, February 05, 2016

TEPUNG SINGKONG - CIMAHI



História 
Aldea ou Kampung Cirendeu RW10 (Rukun Warga) Sucu ka Desa Leuwi Gajah, Cimahi, Bandung, Jawa Barat, Indonezia  desde 1918 funu nain sira fo atensaun makas ba seguransa alimentar iha sira nia Sucu no Aldea. Kamppung Cirendeu nee kuaze 11,4km husi central cidade Bandung.  Kampung Leuwi nee besik los fatin dezastre lixo iha tinan 2005 liuba. Iha dezastre lixo nee kuaze hamate ema hamutuk 147 no populasaun barak mak lakon sira nia uma.
Holandesa sira hanesan invasor ba Indonezia iha tempu neba iha relasaun diak ho Liurai ka poder lokal sira no obriga populasaun sira hodi servi sira. Iha tempu neba Aldea Cirendeu husi Sucu Leuwi Gajah nee susar tebes atu hetan foos. Tamba fós nebe mak produz husi sira nia natar menus ba bebeik tanba irigasaun la diak no mos menus udan bee. Alende nee mos, produzaun hare ka foos nee tenki oferese ba Holandesa no liurai sira nebe mak kaer poder iha tempu neba.
Tanba susar hetan foos lian nain no katuas sira hamutuk ho funa nain sira hahu mobiliza sira nia populasaun hodi hanoin konaba siguransa alimentar. Sira identifika katak iha futuru foos sei susar atu hetan, maiske iha foos mos sei fornese deit ba groupu elit no kapitalismo sira, hanesan Holandesa no liurai lokal sira nebe maka iha relasaun diak diak ho colonialista sira.  Tan nee iha tinan 1918 funu nain sira luta hasoru invasor Holandesa desidi movimento ida katak komesa agora populasaun iha aldea nee lalika ona produz foos. Tanba produz foos mos populasaun hetan metade deit no barak liu tenki oferese ba Holandasesa no liurai lokal sira.
Bazeia ba pratika ida nee maka funu nain sira hamutuk ho liderança lokal iha aldeã deside atu populasaun sira tenki konsume deit maka aifarina sai produtu especial iha sira nia aldeã hodi troka foos. Tuir Kang Asep katak implementa lolos hodi hakotu foos iha sira nia aldea nee hahu iha tinan 1924 maka sira foi han deit Aifarina to'o agora. Kang Asep nee mos hateten katak nia nunka sinti foos ka etu  too agora inklui mos populasaun sira iha aldeã nee.
Sentru Pesquisa no Treinamentu

Aldeã Cirendeu Sucu Leuwi Gajah nee agora dadauk sai fatin centro ba pesquisa no trainamento oinsa atu atu hatene klean liu tan konaba produz aifarina hahu husi toos to’o iha mesa leten atu konsume. Tuir Asep nebe maka servisu iha centro nee hateten katak nasaun barak maka vizita ba centro nee hodi halo pesquisa. Nasaun sira nebe maka vizita ba centro ka aldeã nee mak hanesan; Japaun, Korea, Iraun, Iraque, Afganistaun, Timor-Leste,  Turquea no selu-seluk tan.

Alende pesquisa husi nasaun sira nee, iha mos organizasaun nasoes unidas WFP (Word Food Programme) no  Universidade oioin iha Indonezia no mos husi Asean maka halo peskiza konaba  siguransa alimentar iha aldeã nee.  Tuir Asep katak sira nia aldeã ka centro nee mos hetan rekoinese husi  Estado Central Indonésia no Estado iha Província Jawa Barat nian.

Oinsa Dezenvolve Aifarina Hodi Troka Foos

Prosesu desenvolve aifarina hahu husi toos to'o iha mesa fasil atu hala'o. Primeiro ke'e husi toos antes atu konsume tenki liu prosesu lubuk ida. Aifarina tenki hasai nia kulit hotu depois hoban iha bee. Depois sei haraun no tais nia bee maka foin ba habai iha loron. Kuando maran ona mak foin produz hanesan terigu ho bahasa dehan tepung tapioka ka tepung singkong. Husi tepung singkong nee sira bolu hanesan foos aifarina. Husi foos aifarina nee maka foin produs ba aihan oin-oin. Hanesan tein, halo duce nebe maka iha modelu oin-oin no mos gostu no iha nutrisaun nakonu.ð Modu ka lauk-pauk nebe maka akompania hahan aifarina nee maka mode sira nebe maka ita konsume loron-loron iha uma ka  restoran sira nee laiha diferencia ida.
Ai-han husi Aifarina nee hanesan alternativu ida hodi troka ai-han seluk hanesan etu no ai-han selu-seluk. Ita Iabele hare Aifarina hanesan Ai-han baratu ka Ai-han rural. Maibe Aifarina hanesan meus ida hodi asegura seguransa Ai-han ou mesmo tempo iha Ai-han seluk nebe maka iha ita nia rain.  Husi parti nutrisaun indika Iha situs www.sehatraga.com katak Aifarina nee riko ho vitamin oioin ho lian Indonesia hanesan tuir mai nee: Umbi Sinkong kaya akan kandungan zat gizi, seperti karbohidrat, protein, lemak, kalsiu, fosfor, zat besi, vitamin A, Vitamin B, dan Vitamin C.  Iha situs nee mos hatudu katak atu desenvolve Aifarina fasil los atu kuda no bele hetan produsaun barak.  No iha potensia hanesan alternativu ida hodi troka Ai-han husi karbohidrat nebe maka  importa hanesan foos, terigu, batar no fehuk roupa.

Iha situs nee mos indika katak laos Afarina nia isin deit maka iha vitamin no karbohidrat maibe ninia ta’an mos sai aihan diak iha sosiedade ka uma kain sira. Aifarina tahan mos iha vitamin A no vitamin C no mos zat miniral seluk nebe maka fo vantazen diak ba saude.  Lilliu ba inan feton isin rua hodi konsume ai-han ida nee. Tanba Aifarina ta’an iha zat besi nebe maka as hodi prevene moras anemia.

Asep husi centro trainamento iha aldea Cirendeu nee mos haktuit katak Aifarina iha nutrisaun diak ba saude. Foctos hatudu katak iha aldea nee katuas no ferik sira nia idade moris bele too 90-100a anos ba leten  no sira nia fisik forte nafatin hodi halao atividade lorloron iha sira nia uma. Labarik sira iha aldea nee mos konsume ai-han nee nunka hetan moras no moris hanesan normal ho labarik sira nebe maka laos konsume Aifarina. Kapasidade intelektual mos hanesan ho labarik selu-seluk husi aldea no sucu seluk.

Lisaun Aprendizazen

Ita koko atu hare konaba realidade no natureza iha Timor hodi oinsa atu promeve produtu Aifarina ka lian Indonésia dehan Singkong Tapioka iha Timor-Leste nian.  Hodi desenvolve produto ida nee fácil atu halo no la-percisa uza rekursu boot hanesan teknologia no osan boot.  Hare ba realidade iha Timor-Leste ou populasaun iha nee kuaze hatene konaba ai-han ida nee.  Oinsa politika no asaun governo nia hodi produz aifarina iha nasaun ida nee liga ba segurança ai-han nebe maka agora dadauk koordena hela iha linha ministerial.

Programa Governo konaba LOJA do POVO

“POVO KUDA GOVERNO SOSA”

Programa Governo “LOJA do POVO” realiza no hetan akordo husi Ministério do Comercio, Industria e Ambiente no União Nacional de Pequenas Empresas (UNAPE) iha loron 29 Janeiro 2014 foin dadauk nee. Objectivo Loja do Povo nee para bele fo intervensaun direitamente ba sasan nia folin. Loja do Povo sei loke iha 65 Sub-distrito nebe maka esiste iha Timor-Leste.ð

Hare husi vantazen programa nee diak tanba populasaun sira bele asesu ba nesecidade básica sira hanesan foos, masin midar, mina no sasan básica selu-seluk nebe maka lorloron konsumi iha família ka uma kain sira.
  1. Iha Timor-Leste produtividade hodi produz hare ka foos komesa menus tanba iha fatores oioin. Agrikultur sira la halo natar tanba irigasaun ladiak. Faktos ida nee ita hare barak iha Timor-Leste kuaze natar barak maka abandona tanba bee dalan ka baleta ladiak. Mesmu que udan ka bee mota mos diak maibe labele aproveita tanba strutura rai ladun diak. Hanesan rai ka natar iha leten bee iha kraik no susar atu utiliza bee oinsa atu liga ba natar.
  1. Aifarina fasil atu kuda iha kualker tempu no lapersiza tenki  kuda iha tempu udan. Esperiencia iha distrito balun iha timor  natar laiha ka la produz foos bele mos produz aifarina tamba aifarina kuda iha kualker tempu  sempre moris ho diak. 
  1.  Esperiencia Falintil ka funu nain sira iha tempu pasado  dala barak konsume ai-han tradisional duke han foos ka supermi. Bazeia ba esperiencia nee politikos sira bele halo mobilizasaun ida oinsa maka bele hadomi no proteze produtu lokal nebe maka tradisionalmente iha tempu beala sira.
  1. Iha politika mobilizasaun ida oinsa atu muda mentalidade konsume Timor-oan sira kona-ba ai-han lokal ka tradisional hodi troka foos ka ai-han seluk nebe maka importa husi nasaun seluk.
  1. Esperencia husi aldeã neébe maka temi iha leten nunka menus ba Ai-han kuandu fatin seluk ema forma ka antri ba hola foos iha loja, aldea nee nunka nakadoko ba ai-han. Produsaun ai-farina iha aldea neé hanesan garantia ba seguransa ai-han ba sira nia populasaun iha aldea nee. 
  1. Desenvolve ho haluan rai ba agrikultura maibe tenki sukat mos diversidade hodi proteze nafatin ai-moris sira nebe maka iha foho no ailaran nebe maka moris nanis ona. Tenki sukat mos oinsa suplay demand  ka necessidade mercado hodi produz ai-han husi agrikultor sira.
  2. Governo mos tenki no obrigasaun hodi proteze rai potensial sira neébe maka iha potensia diak ba sustentavilidade hodi utiliza ba produz agrikultor no  hakiak animal hanesan propriedade estado ida hodi proteze. Tanba iha nasaun babrak faktus hatudu katak rai potensial sira neébe maka hodi produz ai-han lokal uza fali ba property no mos loke pabrika neébe halakon rai nia bokur no barak liu mak ukupa permanente no agrikultor sira laiha rai hodi produz ai-han lokal. 



                                                                                                                             Dili, 17 Setembro 2014                                                                                                                                              
Hélio Freitas





ð www.sehatraga.com
ð timor-leste.gov.tl

No comments: