Thursday, December 06, 2012

Rezume Reportase Media ba Aktividade Parlamento Nasional



Artigu nee post ba blog, 6 Dezenbru 2012
 
Media hanesan pilar demokratizasaun nebe maka fo informasaun ba publiku iha relasaun ho aktvidade no mos devenvolvimento nebe maka lao iha nasaun laran no mos husi mundo tomak. Dadus no faktus nebe maka hakarek iha artigu ida nee mai husi repostase jornalistas sira liuhusi media nasional konaba atividade servisu parlamentar. Maiske artigu nee la kobra total konaba reportase media ba atividade parlamento timor-leste nian iha tinan 2009 liuba. 
Jornal Nacional Diario, 18 Maio 2009, pagina 14 hakerek kona-ba “Diskusaun ba Estatuto Lei Funcionario Publiku Kansela tanba deputado sira la too kuorum iha plenaria Parlamento Nacional. Primeiro Vice- Prezidente Parlamento Nasional Vicente da Silva Guterres haktuir katak tanba kalendario Parlamento Nasional hatete ona katak deputados sira loron Sexta-sexta sira tenke  ba kontaktu Eleitores sira iha base.
Bazeian ba situasaun nee maka representante Governo nian  Direktor Geral Funcionario Publiku  Sr. Liborio Pereira ho nia komitiva fila deit husi Parlamento Nasional.  Tuir observasaun husi Jornal Diario  iha Parlamento Nasional, indika katak deputadu husi Bankada opozisaun Fretilin, Kota/PPT no PUN la marka prezensa iha diskusaun ba Lei Funcionario Publiku iha Parlamento Nasional. 
Timor Post, 16 Junho 2009, Xefe Bankada Partido Demokratiko Adriano do Nasciomento no deputado Renan Selak husi  Bankada Partido Undertim , horseik iha plenaria Parlamento Nasional hateten katak, arepende foo votus ba Prezidente da Republika Jose Ramos Horta iha eleisaun Presidensial liu ba.  Arependemento nee tanba infaktu husi diskonsiderasaun, laiha solidaridade entre orgaun soberanu. Tanba ita gosta ameasa orgaun soberanu seluk. Papel orgaun soberanu atu tane orgaun soberanu sira seluk, laos hatun fali orgaun soberanu seluk.  Arependemento nee bazeia ba diskursu estado Prezidente Republika Jose Ramos Horta iha loron restaurasaun indepedensia 20 de Maio 2009 liu ba. Kritika seluk husi Prezidente  Republika liu-husi pedido husi Prezidente Horta liu-husi projetu resolusaun numeru 25/II/2009 kona-ba viajen estadu ba Swedia, Italia no Franca.
Liu husi  diario nee mos Prezidente Exercicio Parlamento Nasional Vicente da Silva Guterres koalia kona-ba kareta ba deputadus sira iha Parlamento Nasional. Prezidente Exercicio haktuir katak Parlamento Nasional  labele obriga Opozisaun sira atu simu kareta nebe maka sosa husi osan povo nian.  Bankada PUN deputada Fernanda Borges haktuir katak hahu inisiu kedas sira nia Bankada hatoo ona deklarasaun ba meja hodi informa katak PUN lakohi simu kareta ho rajaun katak prosesu desisaun no prosesu  aprovisionamentu tender  la lao tuir prioridades povo no nasaun Timor Leste nian.  Tanba nee PUN husu ba Parlamento Nasional atu aloka karena deputadu PUN nia ba instituisaun seluk.
Iha parte seluk husi diario nee mos koalia kona-ba nomeiasaun figura PDHJ foun. Bankada sira hein anunsiu husi meja Parlamento atu prepara kandidatura ba Provedor Direitus Umanu ba Justisa.  Primeiro Vice Prezidente Parlamento Nasional Vicente da Silva Guterres haktuir katak atu nomeia ba Provedor Direitu Umanus ba Justiba nee mai husi kompentesia Bankada Parlamentar sira.  Tanba Bankada sira maka iha kompetensia atu nomeia sira nia ema no sei fo desisaun iha eleisaun nebe maka parlamentu sei halo iha plenaria. Maibe iha parte seluk Bankada sira fo razaun katak too agora meja sidauk tau ajenda  atu diskuti kona-ba asuntu nee.  Vice-Prezidente haktuir katak maske mandatu PDHJ besik remata dadaun ona, no kuando la konsege eleze provedor foun entau porvedor tuan tenki kontinua nafatin nia mandatu too tomada posse ba provedor foun. 
Suara Timor Lorosae (STL, 12 Maio 2009), Prezidente Parlamento Nasional la autoriza deputadus ba Distrito kadeira 18 mamuk, lian hirak nee hanesan headline iha diario ida nee. Seksaun plenaria hanesan forum ida nebe maka as liu iha orgaun Parlamento Nasional maka deputadus sira tenke kompri seksaun plenaria iha Parlamento Nasional.  Tuir Prezidente Parlamento katak loron Segundo no Tersa nee loron ba ajenda plenaria nian neduni deputadus sira labele ba Distritu ka fiskalizasaun iha base, karik iha convite ruma bele ba, tanba iha Segunda, 11 Maio 2009 kadeira 18 mamuk iha plenaria.
Prezidente Parlamento Nasional haktuir katak loron nebe maka deputadus sira servisu maka henesan; loron Segunda no Terse Plenaria, Kuarta no Quinta servisu Komisaun nian no loron Sexta  nee reunia xefe Bankada ho meja parlamento nasional hodi trasa ajenda ba sesaun plenaria no membrus deputadus sira seluk halo konsulta ho eleitores iha base tuir regimento parlamento nian.
Parte seluk husi diaro nee haktuir katak Parlamento Nasional Ejiji ba Ministra Financas Emilia Pires atu esplika indikasaun KKN kona-ba rekrutamento asesor internasional sira. Bankada Fretilin liu-husi deklarasaun politika iha Parlamento Nasional haktuir katak Ministra Financas  tenke mai iha Parlamento Nasional atu esklarese kestaun salariu boot kona-ba duvidas rekrutamentu no alegasaun nebe mosu bebeik kona-ba korupsaun iha Ministeriu Financas nian.  Bankada seluk husi AMP mos aseita kona-ba deklarasaun politika Fretilin nia nebe maka iha relasaun ho prosesu rekrutamentu no mos salariu boot ba asesor internasional sira.
Prezidente Parlamento Nasional liu-husi seksaun plenaria hatan katak, kona-ba kestaun nee sei hatoo ba Ministeriu Financas atu bele kurizi an nune mos atu mai iha uma fukun ida nee hatoo esplikasaun kona-ba prosesu sira nee lao oinsa no osan povo nian nee gasta  oinsa no tanba saida maka salariu ba asesor sira nee boot. Liafuan hirak nee sei husu ba Ministra Financas atu esplika iha plenaria Parlamento Nasional.  
Iha parte seluk husi diario nee mos koalia kona-ba Merenda Eskolar. Komisaun F Parlamento Nasional liu-husi Plenaria, Segunda (11/5/09) kestiona kona-ba programa merenda eskolar nebe implementa iha territorio nakunu ho problema. Deputada Ilda Maria da Conceição husi Bankada Fretilin ejiji ba meja Parlamento Nasional katak baseia ba argumentu saida maka deputadu balun hakarak atu taka programa merenda eskolar. Deputada nee haktuir nia sei la konkorda atu taka programa merenda eskolar nee. Tuir lolos Governo tenke hadia deit kualidade ai-an nebe maka uza iha merenda eskolar nee laos atu taka. 
Jornal Nacional Diario, 13 Maio 2009, Fernando ‘La Sama’ de Araujo haktuir katak “walk out nee afeta ba Parlamento Nasional. Walk out nee tanba deputadu husi Bankada Fretilin Inacio Moreira hatoo deklarasaun politika ba Plenaria kona-ba infrastruktura, liu-liu Governo laiha planu diak atu halao konstruksaun ba estrada ke liga Distrito ba Distrito iha territorio tomak iha Plenaria. Deputadu AMP sira walk out hotu husi Plenaria katak Prezidente Parlamento Nasional Fernando ‘La Sama’ de Araújo.
Jornal Nacional Diario, 30 Abril 2009, Administrador Zumalai fulan nen (6) la hetan vensimento tanba laos funcionario publiku tuir Osorio Florindo husi Bankada Fretilin. Problema ida hatoo husi representante povu iha uma fukun Parlamento Nasional Natalino dos Santos husi Bankada CNRT iha plenaria para Governo fo antensaun no mos foti medidas ruma atu rezolve. Tanba administrador servisu hanesan voluntaria no preokupasaun nebe maka iha bele infaktur mos ba povu iha Sub-distrito neba. 
Jornal Nacional Diario, 5 Maio 2009, Segundo Vice-Presindete Parlamento Nasional Sra. Maria Paixão de Jesus informa katak meja Parlamento Nasional komesa aplika lista prezensa ba deputado sira tanba dala barak deputadu sira barak maka latama no kourum atu tuir plenaria la too.
Jornal Nacional Diario, 11 Maio 2009,  Parlamento Nasional lanca livro ba publiku. Livro nee tuir Prezidente Parlamento Nasional Fernando ‘La Sama’ de Araújo katak objectivo livro nee atu fo hatene ba publiko liu-liu estudantes sira atu hatene kona-ba knaar Parlamento Nasional nian. 
Suara Timor Lorosae (STL, 16 Maio 2009), Deputado Natalino dos Santos husi Bankada CNRT liu-husi intervesaun iha plenaria Parlamento Nasional hateten katak presiza investiga Ministerio Infrastruktura tanba estrada nebe maka hadia laiha kualidade nebe maka diak. Tuir Deputado Domingos Sarmento mos haktuir katak Governo tenke tau prioridade liu ba estrada regional nebe maka sai importante ba nasaun. 
Jornal Nacional Diario, 22 Junú 2009, AMP-Opozisaun husu ba Prezidente Republika Jose Ramos Horta atu koalia labele ‘ibun mamar’.  Deputado Natalino dos Santos husi Bankada CNRT haktuir lian hirak nee iha ninia intervesaun iha Plenaria Parlamento Nasional. Tuir deputado nee haktuir katak Prezidente Horta koalia la konsisten ho nia lian fuan bele hamosu polemika iha base.  Deputado Inacio Moreira husi Bankada Fretilin mos hatutan katak koalia ‘ibun mama’ signifika katak ohin koalia ida aban koalia fali buat seluk.
Jornal Nacional Diario, 22 Junú 2009, Prezidente Parlamento Nasional Fernando ‘La Sama’ de Araújo hateten katak Kalendario Nasional Parlamento Nasional periado resesu komesa iha loron 15 Julho – 15 Setembru 2009, maibe la signifika deskansa total tanba lei barak maka sidauk aprova. Tuir Prezidente Parlamento Nasional katak lei barak maka sei ajenda Mesa Parlamento Nasional nia neduni Deputado sira tenke servisu makaas tanba Timor Leste rai kiik, no foin maka harii.

Dili, 2009

No comments: