Friday, July 01, 2011

SUARA RAKYAT HUKUM TERTINGGI

Dr. Frans H. Winarta
Livru ida nee hanesan reflesaun husi autor nain nebe maka esperiencia barak iha akademiku no mos hanesan advogado no depensor publiku ba direitu umanus ba aktivista politiku sira iha tempo Orde Baru, Indonesia.

Problema aktual iha Timor Leste relasaun ho kazu Maternu Bere, ukun nain sira perzija mos halo reflesaun wain-hira halao asaun politiku nebe maka iha ninia sentidu ligado ho interese nasional. Tanba ukun nain sira laos hili-malu deit ka nasaun seluk maka hili atu sai lidera ba nasaun ida nee maibe povu maka determina liu-husi elisaun. Nee duni atu foti desizaun nebe maka ligado ho interese nasional no kria polemika boot iha rai-laran diak liu tenke tetuk ho diak wainhira hakotu asaun politika ruma.

Livru nee mos fo’o hanoin mai ita oinsa ema hotu-hotu inklui lideransa politiku tenke hakruk ba lei wain-hira tuir tribunal sidauk determina katak suspeito ida sala ho lae. Prosesu tribunal labele intervensi husi ema ida inklui lideransa politiku sira nebe maka sai ukun nain ba nasaun ida.

Tuir mai saida maka fo’o sai iha artigu ida nee hanesan resensi livru husi Dr. Frans H. Winarta nebe maka Prof. J.S. Sahetapy hakerek iha Kompas, 12 Juli 2009, no traduz livre no laos legal.

Estado laos institusi nebe maka imunidade, Estado bele mos fo’o sala wainhira iha praktika hetan viola lei (pag. 390). Iha Estado Direitu, iha mos limitasaun poder Estado ba individu tanba Estado labele halo abosu de poder ba lalaok Estado nian ba povu ka pupulasaun iha mos limitasaun tanba Lei.

Rule of law hanesan base prinsipiu diginidade ba ema nebe maka tenke hetan protesaun husi abosu de poder estado/ukun nain sira (Oemar Seno Aji, 1980). Pontu infortansia husi rule of law maka hanesan fundamental plataforma nebe justu tuir visaun Estado no Nasaun nian. Povu bele hetan seguransa juridico, senso ba justisa, siguransa, no mos garante direitus umanus (pag. 390 - 391).

Livru ida nee hanesan koleksaun reflesaun, ideas, no esperiencia hakerek nain hanesan advogado no mos depensor ba direitus umanu inklui akademikus konaba questoes juridica nebe maka sei manas iha komunidade nia let husi tinan 1987-2008.

Tesktu sira nee husi hakerek nain konaba kritika no explor ba problema oin-oin konaba justisa nian iha mundo tuir buat nebe maka iha. Alende diskusaun konaba Estado de direito no mos oinsa atu halo realiza iha Indonesia, no mos diskusaun konaba etika profisau advogado, asistensia jurista husi advogado, organizasaun ideal ba advogado, mafia justisa, independencia juiz, direitu comercio, kestaun konaba direitu propriedade intelektual, valor lideransa nebe metin, lisaun nebe maka bele aprende husi krisi ekonomia, no mos kestaun konaba direitu umanus iha Indonesia, inklui mos direitu ba minoria no fo’o asistencia ba justisa ba kiak sira.

Topik intersante sira nee fahe ba kapitulu nen (6) nebe maka organiza atu forma sistima. Kapitulu ida (1), autor defende konaba profisao advogado nian nebe maka dala ruma hanesan abut ba mafia justisa nian. Alende nee mos diskuti konaba oinsa modelu mafia justisa, oinsa advogado metan, no oinsa advogado sira iha nasaun nee sempre lakon atu forma orgaun ida inklui organizasaun advogado nian nebe maka ideal no fo’o asistencia legal ba ema kiak sira.

Tuir kapitulu rua (2) leno konaba problemas violasaun direitus umanus no tema principal konaba diskriminasaun. Hakerek nain mos koalia konaba hahalok ukun nain nebe maka dala ruma iha tedensia intolerancia no mos racial (ras). Konsiderasaun konaba direferencia racial (ras) hanesan pluralismo pais ida nebe maka natural atu hametin liu-tan iha nasaun ida. Tuir studus literature nebe maka hakerek nain hetan la-dun barak konaba diskriminasaun nebe maka iha formula lei nia nebe maka iha diskriminatif.

Iha Kapitulo 3, hakerek nain diskusi konaba lalaok korupsaun Estado nian nebe maka sei la-dun fo’o vantajen atu hala’o no halakon korupsaun. Iha parte seluk korupsaun susar atu hamos to’o total tanba iha lisan edonizmu, konsumizmu, kaan-teen, no krizi moral nebe maka kona institusi Estado nian iha Indonesia. Objetivu para atu alcansa kareira (pangkat), rico, gostu mundu nian, moris luxuozu resin barak (hidup mewah berlebihan), kaan-teen, no krisi moral nebe maka ninia konsekuensi atu halao lei iha Indonesia hetan perturbasaun.

Iha Kapitulo hat (4), autor esplika konaba historia no modus operandi mafia justisa nian iha Indonesia. Hakerek nain mos hakerek konaba evento nebe maka iha indikasaun konaba mafia justisa iha Indonesia no fator sira nebe maka fo’o apoio ba mafia justisa nian. Mafia justisa nee mos ha-mosu ho hakahur sistema justisa iha Indonesia nebe maka la independente ho agenti makaer ukun sira.

Konaba esekusaun tribunal nian nebe maka dook husi justu no la-tau matan ba direitu umanus diskuti iha kapitulu lima (5). Iha seksaun ida nee autor mos koalia konaba valor lideransa nian no mos necesidade lider nebe maka iha figura reformis atu lidera nasaun, lideransa nee mos sai modelu nebe diak ba Indonesia.

Iha kapitulu ikus liu nen (6), autor fo’o sai konaba produtu lei no jogada politika ukun nain sira nebe maka hala’o lei hanesan instrumentu privada no mos ba ninia groupu tuir konspirasaun ho imprezariu nakar sira.

Atu realiza rule of law iha Indonesia minimal pontus tolu (3) nebe maka tenke sai indikator hanesan tuir mai nee; Primeiro (1) Lei nebe maka iha Indonesia tenke sublina ba lia los no justisa ba sosiedade. Hanesan pakote leis sira nebe maka atu pratika iha rai laran tenke responde ba nesecidade komun nian liu-liu ba povu nia moris. Segundu (2) Indonesia tenke halao tribunal nebe maka justu atu kombate korupsaun no mos nepotismo iha rai laran. Treseiro (3) asesu ba publiku konaba justisa tenke amenta kapasitasaun, tanba ba ema nebe maka buka justisa no lia los iha Indonesia tuir norma no standar Internasional ona maibe dala ruma makaar ukun sira iha tedensi halao mall praktika no viola direitu komunidade sira nebe maka buka justisa (392-394).

No comments: