Thursday, July 20, 2006

RITUAL KUA MANU

I. Intrudusaun

Tuir lisan nebe maka  mosu hori uluk hahu kedas ona iha ukun tradisional nia laran. To agora laiha ema ida hatu defini los se maka hahu uluk, kona ba lisan ida nee. No mos iha tempo saida, iha rai nebe maka hahu uluk tradisaun ida nee ba dala uluk.  No mos tan saida maka ema fiar ba manu mate (Kua Manu). Pergunta seluk tanba sa maka mosu no laos fiar buat seluk maibe ema nia fiar ba ema ida nia mati, Manu maka fo dalan. Dalan nebe maka Manu hatudu nee, dalan ida ke hanesan fo sinal. Sinal ida nee maka iha obrigasaun para hato halo tuir.

Kua Manu tradisaun ida ke laos arbiru iha tempo bain-bain. Tradisaun Kua Manu ne’e hanesan unik iha lisan tradisaun seluk iha rai Timor. Tamba Kua Manu laos ba tempo ida ke normal. Hanesan laiha lia mate. Kua Manu tenki iha tempo nebe ke obriga ema, bain hira familia uma laran mati bei-beik. No mos tempo para hato Kua Manu bain hira mati ne’e hakohi tia ona. Labele Kua Manu bain hira mati sei iha meja leten nomos e sidauk hakohi.

Lisan ida ne’e hanesan pergunta boot ida mai ita. Tamba saida maka kuando hato Kua Manu, mati tenki hakohi uluk. Tamba saida maka mati sei iha meja no mos labele uluk Kua Manu. Lahiha ema ida ke fo difinisao diak no mos fo resposta diak. Iha argumento saida maka ita tenki hein mati ba uluk rai kuak maka ita foin Kua Manu.


Ritualmente
Tuir lisan ho ritualmente hato tama ba prosesu Kua Manu. Kuando tempo para hato tama ba ritual Kua Manu persizamente tenki tuir atetudi nebe mak normalmente iha tradisaun nia laran para hato halo tuir. Liu-liu ba familia matebian sira nebe mak sei hela. Ritual nee tuir etapa tuir mai nee:

Premeiro:
Hanesan dehan dadauk iha leten katak quando hato tama Kua Manu premeiro ves mati tenki hakohi uluk. Mati nebe mak hakohi tenki liu kalan ida.


Segundo:
Konsulta malu. Familia matebian tenki tur hamutuk para hato koalia prosesu Kua Manu. Maibe tempo normalmente ema nunca para hato koalia uluk Kua Manu. Maibe familia matebian sira quanda tuir hamutuk sira sei konsulta malu tamba saida ida maka iha familia laran hetan susar. Liu-liu ema mati bebeik iha uma laran no mos iha familia ida nia laran. Lider ka  katuas hanesan lia nain sira tur hamutuk o familia matebian no mos ba ema sira nebe mak fiar nia para hato buka solusaun kona ba susar iha familia matebian. Sira tenki tur hamutuk i depois fo konsulta malu. Liu husi konsulta ne’e maka sira foti desizaun konaba saida maka sira hatu buka para hadia fali sira nia moris iha familia laran. Liu-liu ba familia sira nebe mak sei moris tenki halo saida. I nune mos saida maka sira labele halo tan iha loron ikus ba ohin. Iha discurcu ka konsulta malu nee maka sira foin  rezultado ba familia matebian

Treseiro:
Para hato halo tuir desizaun nebe mak familia sira hamutuk lia nain (katuas) no mos ba ema nebe mak fiar nia familia matebian sira tenki iha obrigasaun para tenki halo tuir. Lisan ida maka Kua Manu. Kuando prosesu hato hahu Kua Manu persizamente familia tomak tenki apoia. Liu-liu familia nebe mak tuir struktura as liu. Hanesan umane no mos husi relacao familia seluk nebe mak iha ligasaun metin.

Struktura relasaun familia sira persizamente tenki iha ohin bainhira prosesu Kua Manu antes hato hahu. Bainhira relasaun familia sira para hato asisti prosesu Kua Manu ba dala uluk  sira tenki lian ida laran ida. Ninia kontiudo maka tenki iha hadame malu entre familia sira hotu. Maibe dalan barak maka familia sira laiha iha ohin tamba sira hela iha rain dook. Ne’e hanesan exemplu ida. Maibe sira nia naran mos temi nafatin iha prosesu ida nee antes ba tama ba prosesu Kua Manu. Dala ruma sira nia fatuk mos tau ketak.

Dalan badame lisan ida mak tenki kotu bainhira hatu ba asiste Kua Manu. Iha prosesu hatu tama ba Kua Manu familia tomak no mos ba ema nebe deit mak iha tenki ba para hato asisti. Lisan ida mak ita tenki hare katak hatu halo Kua Manu laos familia matebian deit. Maibe tenki ema nebe mak hanesan lia nain (katuas-lian adat) tenki iha ohin.

Dalan ba prosesu Kua Manu:
Parte I
Katuas sira nebe mak nudar lia nain sira sei harohan ba buat barak. Sira nia harohan tuir lisan nebe mak fiar tuir tradisaun katak beiala sira nebe maka hakoto ema nia moris. Maka sira sei tau fatuk ida-ida hodi temi beiala sira nia naran. Beiala sira nebe mak sira temi maka hanesan tuir mai nee:
1. Fatuk ba buan ho diabu sira
2. Fatuk ba Matebian sira
3. Fatuk ba ema nebe mak halo odi bigansa ruma
4. Fatuk ba Uma Lulik sira
5. Fatuk ba Rai lulik sira
6. Fatuk ba Fetosaun Umane maka sidauk hotu
7. Fatuk ba lia fuan todan husi maun alin sira
8. Fatuk ba estraga ema nia sasan ruma
9. Fatuk ba hemu no mos ba an sala ruma
10. Fatuk ba lisan uma laran

Hau hanesan sanin nain iha parti ida temi deit fatuk sanulu maibe ita sei hare iha prosesu tuir mai. Lia nain sira antes  sira tau fatuk, sira sei harohan. Maibe structura fatuk laos tau arbiru deit. Prozemplu fatuk maka iha ona sanulu, ida ne nudar ba lisan nain sanulu nia. Fatuk sira ne’e sira sei hada kabuar hadular ai nebe mak sira hato kesi Manu iha klaran.

Parte II
Antes Manu lori tama ba para hato kua premeiro star sira tengki rahohan tan. Manu sei foti as. Dala ruma mos laos deit manu maibe tengki manu ho osan hamutuk. Harohan nebe que sira halo liu-liu husi ba buat tolu:
1. Ba Maromak
2. Ba Lulik (uma lulik)
3. Ba Matebian

Lifuan hodi harohan maka hanesan sira husu lisan ba parte tolu ne’e para fo kbiit ba sira para prosesu Kua Manu ne’e bele lori suksesu diak. Liu-liu bele hetan resultado ruma nebe que sira buka tuir liu husi lisan Kuan Manu ida ne’e.

Parte III
Manu Komesa kua ona. Manu nebe hato kua tengki Manu mean. Ema nain rua deit maka tama iha fatuk kabur nebe que ita koalia liu ba. Manu nebe que kua ninia kakorok labele kotu liu. Tengki iha ituan para Manu bele hadularas ho halai ba prosesu fatuk sira nebe que iha hada tia ona. Idepois que kua hoto ona Manu tengki lori ba klaran. Liu-liu ba ai rin ida bene que iha tia ona.

Parte IV
Manu nebe que iha ona ia rin ida que harii iha klaran i momento ida ne’e Manu sei hadulas. No mos sei haksoit tun saa. Dala ruma nia sei hadulas fatuk sira hoto maka nia foin mati iha fatuk ida. Maibe dala barak manu sira laos ba mati iha fatuk ida maibe nia mati deit iha klaran. No mos mati iha fatuk rua nia klaran. Proxemplu hanesan mati iha fatuk matibian ho buan sira nia klaran. No mos iha fatuk sira seluk nia klaran. Defende tuir manu nia forsa. Mai be dala ruma mos manu mos mate deit iha ai rin hun.

Parte V
Parte lima ita hato koalia kona resultado Manu Mati. Durante Manu ne be que kua tia ona prosesu Manu ne halai ba deit ne’e be. Resultado ikus Manu sei mati iha fatuk ida. Mai be conlcucao nebe que sira halo tengki hare tuir prosesu manu nia hahalok duranti iha fatuk nebe que hada tia ona. Manu ne ba mati iha fatuk ida ne be los. No mos quando manu ne’e sidauk mati ba fatuk premeirobes manu ne hasoik ba fatuk nebe-nebe deit. No mos manu nia ran mos kona fatuk ida ne be deit maka barak liu. Prosesu sira ne’e tengki tau hamutuk.

Maibe tuir lisan nebe que dala barak mosu dala ruma manu ne mati deit iha klaran. No mos mate deit iha ia rin hum. Ida lisan ida hatudu katak iha lia fuan ruma ne be que sidauk hatoo hotu. Ne deni tengki amenta fatuk. No mos tengki Kua fali Manu foun ida. Manu nebe que halo tuir mati nafatin iha klaran no mos iha ia rin hum pertanto tengki amenta fatuk ba bei-beik. No mos tengki kua fali manu foun fila fali. Ida ne tengki halo bei-beik para hetan resultado. No mos tengki manu ne ba mati duni iha fatuk ruma nebe que iha tia ona.

II. Contuido
Laiha lisan ida nebe que tuir tradisao laiha resultado. Ne duni ritual Kua Manu nia hetan resultado nebe que tengki obriga no mos moralmente tengki halo tuir. Liu-liu ba familia sira ne be que buka (auria-makasae). Buka dala para hadia familia matebian sira nebe que hela. Ninia fungsaun maka familia matebian sira labele mati tan.

Cunlcusao nebe que sira hola proxemplu Manu ba mati iha fatuk nudar fetasaun mane maka lafoku. Maibe durante prosesu Kua Manu familia sira ne lahiha ohin. Maka tengki halo dadus para bolu familia sira ne. Antes que halo dadus para bolu familia husi fetosaun ninia tengki iha apoian malu husi familian sira nebe que iha. Tengki lian ida deit para perpara hato koalia fetosaun sira nebe que hato mai.

Quando lian fuan sira nebe que aseita malu para hato bolu ona, entao ema ne laos deit mai para tur deit. Maibe ema sira nebe que hato mai iha preparasao buat ruma nebe que ligasaun ba baralaki, nomos koalia kona ba lian mate fetasaun mane nia. Quando tama ona ba prosesu ida ne katak uluk iha ligasaun barlake ruma maka sidauk koto. No mos iha promesa ruma ne be que tempo uluk lahalo tuir familia matebian sira. Ne duni tengki prepara didiak bain hira hato bolu familia ne be que ligasaun ona ba lian mate-barlake tempo uluk nia.

Mesmo que ema mati ne hakohi tia ona maibe prosesu ema tur hamutuk para hato koali lian mati–barlake ne’e persisa tempo naruk. Dala ruma to semana dala ruma mos to fulan i to fali tinan. Ne lisan ida que tengki obrigasaun para halo tuir duni. Tamba familia matebian tomak maka halo disisaun para tengki tur hamutuk husi parte fetasaun mane nia.

Maibe quando Manu mati iha fatuk Rai Lulik ga uma lulik mos tengki iha obrigasaun para hato halo tuir desisaun nebe que manu halo. Ita bele dehan katak familia matebian nia laiha posisao. Nia tengki halo tuir deit iha manu nia destino. Hanesan posisao ida que kiik liu. Tamba tengki halo tuir deit bain manu ne ba mati iha nebe.

III. Conlcusao

Conclusao Kua Manu nia remata iha Manu ba mati iha fatuk ida nebe nudar resultado ikus. No mos resultado ne be que tengki halo tuir ba familia matebian sira ne be que sei moris. Ritual ida ne sira tengki halo para familia matebian sira ne be que hela labele mati tan. No mos nudar fiar nain ba lisan ida hatene los ba ema ne be que mati. I tan saida maka ema ne mati. I no mos se maka halo kotu ema ne’e nia mati. Ne parte ida que ita hare husi positivo nia.
Maibe mos iha parte negativo. Lakon sasan hanesan animal (Manu). I nune mos resultado Kua Manu nia tengki halo tuir, hanesan halo kiak no mos hanesan hahean ema. Liu-liu ba relasaun fetosaun mane nia maka lakotu. Ida ne sira tengki koalia fila barlake no mos koalia kona lia mati. Ne duni lisan adat ini ne ita bele dehan katak halo familia matebian sira lakon dala rua. Permeiro sira lako ema ne be que mati tia ona. Segundo sira tengki lakon material no mos animal balun para hato koalia kona ba lian fetosaun mane.


IV. Recomenda:
1. To agora historia kona ba lisan Kua Manu nia sidauk mosu iha publika. Liu-liu sidauk ema ida que hakerek kona lisan ida nee lolos.
2. No mos sidauk hatene los lisan-ritual ida nee se maka hahu uluk. Nu nee mos ita sidauk hatene los lisan ida nee iha momento ita nia bijabo sira halo, iha tempo saida deit. Tempo ba ema mati deit ga ho ba tempo seluk-seluk tan iha tradisaun Timor nia. Ida questaon boot ida maka ba universidade para hato hare dia-diak.
3. Hau nudar sanin nain halo paper ida lahiha reference ida que fo balor. Maibe tuir deit husi hau nia imagina-memoria nebe que uluk asisti. No mos intervista sr. Marito Fatima husi Lorosae nia, no mos Dominggos Araujo husi parte Loromuno nia.
4. Tuir informasi husi ema nain rua hatudu katak lisan-ritual ida ne laos deit husi parte balu iha rai Timor Lorosae. Maibe husi rai seluk-seluk iha Timor tomak. Ne duni persijamento tengki halo riset ida kona ba lisan nee para hato foti rikesa Timor nia ba ohin. I numos lisan ida labele mati iha gerasaun oin mai. Nee duni universidade tengki fo antensaun ba lisan ida nee no mos tengki foti ba ohin nafatin.
5. Iha Proposta ne qeu dosen fo studante ida-ida tengki fila fali ba knua para hakerek kona lisan ida-idak. Mai be proposta nebe que hau fo dosen lisan kona ritual Kuan Manu ne iha fatin hotu-hotu. Nee duni lisan Ritual Kua Manu laos mai husi hau nia knua maibe iha Timor tomak.


Dili, 20 Februari 2003
Helio Freitas

No comments: